“PAŞA Sığorta” ASC namizədləri Müştəri təcrübəsi üzrə funksional rəhbər vəzifəsinə müraciət etməklə peşəkar komandanın üzvü olmağa dəvət edir.

Vəzifə öhdəlikləri:

Strateji Liderlik və CX Vizyonu

• Şirkətin müştəri mərkəzli transformasiyasına liderlik etmək; CX vizyonunu və strategiyasını daxili komandalara təbliğ etmək və mənimsədilməsini təmin etmək.
• Müştəri təcrübəsi sahəsində dünyadakı ən son metodologiyaları və trendləri davamlı izləmək və ehtiyac olarsa, tətbiq edilməsinə rəhbərlik etmək.
• Bütün komandalarda müştəri təcrübəsi fəaliyyətləri üzrə vahid standartların və yanaşmaların formalaşdırılmasını təmin etmək.

Metodologiya və Peşəkar İnkişaf

• CX mütəxəssislərinə və komanda üzvlərinə metodoloji dəstək göstərmək, onlara mentorluq etmək və peşəkar inkişaflarını dəstəkləmək.
• Çevik (Agile) komandaların (squads) müştəri təcrübəsi bacarıqlarını artırmaq (upskilling) üçün təlimlər və "community of practice" (təcrübə cəmiyyəti) sessiyaları təşkil etmək.
• Yüksək performanslı, əməkdaşlığa açıq və müştəriyə fokuslanmış komanda mədəniyyətinin formalaşmasına töhfə vermək.

Müştəri Kəşfiyyatı və Anlayışı (Insights)

• Müştərilərin gizli ehtiyaclarını və "ağrı nöqtələrini" sistemli şəkildə üzə çıxarmaq üçün "Customer Development" (Müştəri İnkişafı) metodologiyasının tətbiqinə rəhbərlik etmək.
• Keyfiyyət və kəmiyyətə əsaslanan müştəri təhlillərini (müsahibələr, sorğular) aparmaq və əldə edilən məlumatları sintez edərək biznes üçün dəyərli tapıntılara (insights) çevirmək.

Təcrübənin Xəritələnməsi və Dizaynı

• Əsas sığorta məhsulları və xidmətləri üzrə "Customer Journey Maps" (Müştəri Səyahət Xəritələri) yaradılması prosesinə rəhbərlik etmək və onların davamlı yenilənməsini təmin etmək.
• Bu xəritələrdən əldə edilən tapıntıları prioritetləşdirərək, proseslərin optimallaşdırılması və ümumi xidmət təcrübəsinin yaxşılaşdırılması üçün konkret təşəbbüslərə çevirmək.
• Problemlərin kök səbəbini tapmaq və həllər formalaşdırmaq üçün "Design Thinking" metodologiyasından aktiv istifadə etmək.
• "Squad"lara və şöbələrə müştəri təcrübəsi fəaliyyətlərini müstəqil həyata keçirə bilmələri üçün lazımi dəstəyi (şablonlar, metodoloji rəhbərlik) göstərmək.
• Əsas CX göstəriciləri (xüsusilə NPS, CSAT) üzrə vahid metodologiyanı təyin etmək və bu göstəricilərin davamlı izlənilməsini təmin etmək.

Maraqlı Tərəflərlə Əməkdaşlıq

• Məhsul komandaları (Squads), Marketinq və digər biznes vahidləri ilə sıx əməkdaşlıq edərək, müştəri təcrübəsi tapıntılarının məhsul və proseslərin inkişafına təsirini təmin etmək.
• Mürəkkəb müştəri tapıntılarını aydın, təsiredici və biznes yönümlü tövsiyələrə çevirərək rəhbərliyə və komandalara təqdim etmək.

Təhsil və İxtisas

• Marketinq, Sosiologiya, Psixologiya, Biznesin İdarəedilməsi, İqtisadiyyat və ya əlaqədar sahələr üzrə bakalavr və ya magistr dərəcəsi.

Bilik və Bacarıqlar

• CX (Müştəri Təcrübəsi), Müştəri Tədqiqatları, Xidmət Dizaynı və ya Məhsul İdarəetməsi sahəsində minimum 2 illik praktiki təcrübə.
• "Customer Development" və "Design Thinking" metodologiyalarını praktikasında tətbiq etmiş olmaq.
• "Customer Journey Mapping" daxil olmaqla, keyfiyyət yönümlü müştəri analizi və sintez texnikaları ilə işləmə bacarığı.
• "Agile" (Çevik) mühitdə (Tribe/Squad strukturları) işləmə təcrübəsi.
• NPS və CSAT kimi CX göstəriciləri və onların biznes nəticələrinə təsiri barədə biliklər.
• Analitik düşüncə, kommunikasiya, təqdimat və maraqlı tərəfləri idarəetmə bacarıqları.

Dil bilikləri

Azerbaijani, English, Russian